قصيدة/قصة كانت الف ليلة
بقلمى/نيفار أحمد عبد الرحمن
النهاردة
هحكي قصة
شوق غرامها بالف ليلة
شفته صدفة
كان بينشر
منشورات كانت جميلة
قلت اعلق
يمكن انه يحس بيا
نبقي صحبة ونبقي عيلة
ابتسملي 
بتعليقات
بتعليقاترد قلبي بالاهات
نفسي ابقالوا خليلة
قلت اشاغلة بالرسايل
قلت اعاكس فيه وحايل
ذكريات كانت جميلة
اتفاجئت من اللى قالوا
قلبي ليه حبه ونادالوا
وابتدت سرحه طويلة
تحت امرك يا اميرة
متخفيش من اي حيرة
قلبي حبك يا اصيلة
قلبي داب من شوق غرامه
لسه دايبة بين كلامه
اه فاشلت اعمل تقيله
اعترفت بكل حاجه
اني عشقي مش ساذاجة
وإني نفسي نبقي عيلة
قالي وانا مغرم بقلبك
نفسي اعيش العمر جنبك
والبعاد عنك دا ويلة
اتفقنا ع الجواز
جابلي شبكة والجهاز
وابتدت قصة طويلة
بعشقة من كل نبضي
اللي ساكن وحده قلبي
عايشة بيه ايام جميلة
ربنا يسعد قلوبنا
ويباركها طول وجودها
الالتزام دا احلى شيلة
صدفة كانت يوم ميلادي
النصيب اجمل منادي
ذكريات كانت جميلة
بقلمى/نيفار أحمد عبد الرحمن
ملكيّة فكرية مسجلة بإسمي
حقوق النشر محفوظة بإسمي
رقم الإيداع/359998/2020
ليست هناك تعليقات:
إرسال تعليق